Patrioti i rrejshëm dhe Kali i Trojës, Maksim Dimitrievski, akuzon LSDM

“Socialdemokratët e vërtetë që luftojnë me zemër dhe shpirt për realizimin e vlerave socialdemokrate nuk do t’i pranojnë asnjëherë thirrjet e patriotëve të rrejshëm nga ZNAM e Maksim Dimitrievskit”, thonë nga LSDM.

Sipas partisë opozitare, Dimitrivski u bë shërbëtor dhe krah zgjatës i VMRO DPMNE-së dhe Mickoskit për disa kolltuqe dhe pozitën e kryetarit të komunës.

“Është e turpshme dhe për të ardhur keq të shohësh ish-sekretarë të përgjithshëm të LSDM-së si ministra dhe xhelozë në një qeveri të udhëhequr nga njerëz që donin të vrisnin bashkëpartiakët e tyre të dikurshëm. Është e turpshme që ish-deputetë të LSDM-së të jenë zyrtarë në Qeverinë e Mickoskit. Anëtarët e vërtetë të LSDM-së kanë turp për këtë dhe e dënojnë. LSDM nuk i tremben Maksim Dimitrievskit dhe thirrjeve për ndarje të partisë”, theksojnë nga partia opozitare.

LSDM, shtojnë ata, është e vetmja opozitë reale që do të luftojë me të gjitha forcat për të parandaluar politikat e dëmshme të qeverisë së Mickovskit dhe satelitit të saj ZNAM.

“Tani gjërat janë të qarta dhe kali i Trojës Dimitrievski është zbuluar. Ai shpejt do të përballet me realitetin dhe mllefin që e ka grumbulluar nga LSDM. Dimitrievski e mbylli gojën si një fëmijë i vogël para Kasamit dhe shpërthimet e tij të patriotizmit të rremë u shuan në javën e parë të shërbimit ndaj Mickoskit. Kaq mjaftojnë rrahjet në gjoks dhe kërcënimet e rrejshme se do të largohet nga pushteti në përpjekje për të ulur turpin”, thuhet në njoftimin e LSDM-së./INA/

The post Patrioti i rrejshëm dhe Kali i Trojës, Maksim Dimitrievski, akuzon LSDM appeared first on InfoShqip.com.