PDK kujton Enver Zymerin në 13 vjetorin e rënies: Ai është Hero i Kosovës së Pavarur
Partia Demokratike e Kosovës ka kujtuar policin e rënë në detyrë para 13 vitesh në veri, Enver Zymerin. PDK-ja me një postim në “Facebook” thotë se Enver Zymeri është hero i Kosovës së pavarur dhe guximi dhe vepra e tij do të kujtohet ndër breza, ndërsa kujtojnë edhe policet e tjerë që ranë në detyrë. […]
![PDK kujton Enver Zymerin në 13 vjetorin e rënies: Ai është Hero i Kosovës së Pavarur](https://orainfo.net/wp-content/uploads/2024/07/664044-pdk-kujton-enver-zymerin-ne-13-vjetorin-e-renies-ai-eshte-hero-i-kosoves-se-pavarur.jpg)
![pdk-kujton-enver-zymerin-ne-13-vjetorin-e-renies:-ai-eshte-hero-i-kosoves-se-pavarur](https://orainfo.net/wp-content/uploads/2024/07/664044-pdk-kujton-enver-zymerin-ne-13-vjetorin-e-renies-ai-eshte-hero-i-kosoves-se-pavarur.jpg)
Partia Demokratike e Kosovës ka kujtuar policin e rënë në detyrë para 13 vitesh në veri, Enver Zymerin.
PDK-ja me një postim në “Facebook” thotë se Enver Zymeri është hero i Kosovës së pavarur dhe guximi dhe vepra e tij do të kujtohet ndër breza, ndërsa kujtojnë edhe policet e tjerë që ranë në detyrë.
“Ai është Hero i Kosovës së Pavarur, guximi dhe vepra e të cilit do të përkujtohet ndër breza, si shembull i atdhedashurisë dhe profesionalizmit. Prandaj sot, në këtë Ditë Memoriale, nderojmë jetën dhe veprën e Heroit Enver Zymeri dhe të gjithë Policëve të Rënë në Detyrë.”, thuhet në postimin e PDK-së.
Enver Zymeri kishte rënë në detyrë në operacionet policore para 13 vitesh për të marrë nën kontroll pikat kufitare në veri.
Postimi i plotë:
Me nder e krenari, sot kujtojmë policin Enver Zymeri, i cili 13 vjet më parë ra në krye të detyrës duke mbrojtur integritetin territorial dhe sovranitetin e vendit. Ai është Hero i Kosovës së Pavarur, guximi dhe vepra e të cilit do të përkujtohet ndër breza, si shembull i atdhedashurisë dhe profesionalizmit.
Prandaj sot, në këtë Ditë Memoriale, nderojmë jetën dhe veprën e Heroit Enver Zymeri dhe të gjithë Policëve të Rënë në Detyrë.
E përjetshme qoftë lavdia për ta!