Shkupi, qyteti me ajrin më të ndotur në Evropë

Mëngjesin e sotëm Shkupi u gjend në krye të listës së qyteteve më të ndotura në Evropë, ndërsa në nivel botëror ishte në top dhjetëshen e platformës IQAir.

Sipas kësaj platforme, indeksi i ndotjes ishte 169, që e vendos Shkupin në kategorinë e qyteteve që kanë ajr të pasigurt.

Problemi me ajrin e ndotur mbetet problem kronik për Shkupin, ndërsa autoritetet janë gjithnjë në kërkim të masave urgjente për përmirësimin e kualitetit të ajrit për qytetarët.

Ata u bëjnë thirrje qytetarëve që t’i shmangen qëndrimit për kohë më të gjatë në ambiente të hapura, veçanërisht ata me sëmundje kronike, fëmijët dhe të moshuarit.

Rekomandohet përdorimi I transportit publik, për shmangie dhe minimizim të përdorimit të makinëve private, me qëllim uljen e ndotjes.

The post Shkupi, qyteti me ajrin më të ndotur në Evropë appeared first on Flaka, në çdo lajm... .