Spasovski: Mickoski ndryshoi qëndrim për Marrëveshjen e Prespës, programi i Qeverisë është larg premtimeve

Programi i Qeverisë dhe konceptet e partive që janë pjesë e mazhorancës janë të ndryshme nga premtimet që u janë bërë qytetarëve dhe çështjet që janë hapur në të kaluarën në mënyrë manipulative dhe i janë imponuar opinionit nuk janë fare, tha deputeti i LSDM-së dhe koordinator i grupit parlamentar Oliver Spasovski sot në Kuvendin e Maqedonisë gjatë debatit për zgjedhjen e Qeverisë.

“Nëse i shikoni deklaratat para zgjedhjeve, në të cilat shpallni se nuk do të përdorni emrin kushtetues ose se nuk do të përdorni mbiemrin, sot keni deklaruar se do ta bëni. A është ky koncepti i ri? Nëse është kështu, është e drejtë të thuhet para qytetarëve. Sepse është një gjë që qytetarët ta thonë edhe mandatin nëse duhet, le të ma marrin, nuk do ta përdor mbiemrin e emrit dhe ju sot po flisni këtu para Kuvendit të Maqedonisë si mandatar dhe paralajmëroni respketimin e Marrëveshjes së Prespës dhe të emrit kushtetues të shtetit”, tha Spasovski.

Spasovski tha se edhe programi është larg nga ajo që kanë premtuar.

“Ka një pjesë në program që e keni vënë si arritje të mëdha dhe ato tashmë ekzistojnë dhe funksionojnë. Flet për një program pune që është shkruar vetëm për të thënë se do të bësh diçka në të ardhmen. Për shembull, në fushën e sigurisë dhe mbrojtjes ju deklaruat se do të krijoni një sistem të video mbikëqyrjes në pikat kufitare. Dhe një sistem i tillë funksionon prej 30 vitesh në të gjitha pikat kufitare. Dhe nuk është një sistem por dy, edhe i Drejtorisë doganore edhe i MPB-së”, tha Spasovski.