Spiropali pas mbledhjes së Konferencës së Kryetarëve: Ogur i mirë, miratuam Programin dhe Kalendarin e Punës 

Kryetarja e Kuvendit, Elisa Spiropali dha lajmin se sesioni i ri parlamentarë nisi me konsensus mes mazhorancës dhe opozitës. Në një postim në rrjetet sociale ajo shkruan se në mbledhjen e Konferencës së Kryetarëve u miratua Programi dhe Kalendari i Punës. 

“Në Konferencën e Kryetarëve miratuam Programin dhe Kalendarin e Punës së Kuvendit për javët e ardhshme. 

Konsensusi i arritur në këtë mbledhje të parë le të jetë një ogur i mirë për fillimin e sesionit të ri parlamentar”, shkruan Spiropali.