Tensione midis protestuesve dhe policisë, Gazment Bardhi: Policia nuk lejon këshilltarët të futen në godinë

Edhe kreu i Grupi Parlamentar të Partisë Demokratike, Gazment Bardhi i është bashkuar protestës së sotme, e cila po zhvillohet para bashkisë së Tiranës.

Në një moment  është  parë një tensionim i situatës midis protestuesve dhe efektivëve të policies.

Bardhi, nga protesta e opozitës,  është pyetur nga gazetarët për arsyen e tensionit.

Ai deklaroi se policia nuk po lejon këshilltarët bashkiakë të futen në godinë dhe përplasja mes disa prej protestuesve dhe efektivëve të policisë ka ardhur pikërisht prej këtij veprimi.

Ai theksoi se policia po vepron në paligjshmëri dhe po mbron paligjshmërinë.

“Ju keni parë çfarë ka ndodhur, Policia nuk lejon këshilltarët bashkiakë të futen në godinë dhe zyrat e tyre. Kjo ka sjellë situatën që ju patë. Po mbrojnë paligjshmërinë. I kërkova të tërhiqnin forcat e rendit nga përplasja me qytetarët”, tha ai.