Atiqi i VV-së në kokërr të shpinës, shpërthen pas publikimit të fotove: “Zdrala, shteti merret me to”

“Zdrala”, “Shteti merret me to”, “E kanë thy protokollin e sigurisë”, “njëfarë imbecili”.

Këto ishin disa prej shpërthimeve të kryetarit të Mitrovicës së Veriut, Erden Atiq, pas publikimit të disa fotove të tij ku po qëndronte “në kokërr të shpinës” në komunë duke skrollitatur në telefon.

Këto fotografi u publikuan nga politikani lokal serb atje, Aleksandar Arsenijeviq, dhe vërshuan rrjetet sociale.

“Ato fotografi janë bo pa lejen time, qysh e keni pa. E ka thyer protokolin e sigurisë këtu. Ajo është në fillim te mandatit, ku kom bujt këtu unë në komunë. Djalin e vet unë e kam pas drejtor këtu për arsim, njëfar imbecili, thash unë nuk e di po institucionet po merren me këtë punë. E kanë thyer protokolin e sigurisë kanë bo foto tash shteti merret me ata zdrala”, tha Atiq për T7.