Dy vjet gjykim i krerëve të UÇK-së: A kreu ndonjë punë ambasada e Kosovës për rastet në Gjykatën Speciale?

Fillimi i prillit shënon 2-vjetorin e nisjes së gjykimit në rastin e krerëve të Ushtrisë Çlirimtare të Kosovës që po mbahet në Hagë.

Janë mbajtur qindra seanca, kanë dëshmuar qindra dëshmitarë, ka pasur shumë zhvillime.

Por, në krejt këtë situatë që është përcjellur me interesim edhe në Kosovë, nuk dihet nëse ka kryer ndonjë punë ambasada e Kosovës në Holandë, që ndodhet po në Hagë.

Gazetari i Nacionales, Besian Beha, ka bërë të ditur se para dy javësh ka dërguar kërkesë për përgjigje në ambasadë.

Kjo për të kuptuar më shumë nëse ambasada ka kryer ndonjë funksion në gjykimin që ka ndodhur. Nëse ka përcjellur ndonjë seancë, nëse ka pasur ndonjë ekip që ka ndihmuar në forma të ndryshme.

Pavarësisht pritjes 2-javor, ambasada nuk e ka kthyer as edhe një përgjigje.

Nga Haga, Nacionale raporton se në seanca të ndryshme në Gjykatën Speciale, ambasada e Serbisë në Holandë por edhe institucionet e tjera të Serbisë, kanë pasur organizime të ndryshme.

Kanë dërguar ekipe studentësh e juristësh, për të përcjellur ndonjë seancë në Gjykatën Speciale.

Nuk dihet nëse në forma të tilla të angazhimit, ka qenë edhe ambasada e Kosovës në Holandë.

Videoja e gazetarit të Nacionales sjell detaje: