Është arrestua një person nga Gostivari, në zonë 80, ka vozitur 173 km në orë 

Më datë 30 mars 2025, ora 14:55. në magjistralen Gostivar-Tetovë, në pikë pagesën Gostivar, zyrtarë policorë nga SPB Gostivar kanë ndaluar Z.S. (29) nga fshati Vrutok, rajoni i Gostivarit, pasi ka vozitur dyfish mbi shpejtsinë e lejuar, transmeton Portalb.mk.

“Gjatë kontrollit të qarkullimit rrugor është konstatuar se ai drejtonte mjetin motorik të pasagjerëve “Golf” me shpejtësi 173 kilometra në orë në vend ku shpejtësia e lejuar është 80 kilometra në orë. Ndaj tij do të ngrihet kallëzim penal nga neni 297a i Kodit Penal – “Drejtimi i mjetit në mënyrë të pakujdesshme”, thonë nga MPB.