Lushtaku për Thaçin: Pavarësisht goditjeve të ulëta, do të dalësh më i fort se kurrë më parë

Deputeti i PDK-së, Mergim Lushtaku ka reaguar pasi që Gjykata Speciale ka ngritur aktakuzë të re ndaj sish-presidentit, Hashim Thaçi.

Lushtaku përmes një postimi në Facebook, është shprehur i bindur se Thaçi do të dal më i fort se kurrë më parë.

Ai tutje ka thënë se asgjë nuk mund ta zbehë të vërtetën e një kauze të drejtë dhe të fisnike.

Postimi i plotë:

Jam i bindur se, pavarësisht goditjeve të ulëta dhe padrejtësive që po ndodhin, ti do të dalësh më i fort se kurrë më parë! Lufta për liri ishte dhe mbetet lufta për mbijetesë – një e drejtë e shenjtë e popullit tonë.

Asgjë nuk mund ta zbehë të vërtetën e një kauze të drejtë dhe të fisnike, e cila mbështetet në sakrificat dhe guximin e atyre që luftuan për dinjitetin dhe të ardhmen e Kosovës. E vërteta gjithmonë triumfon!