Mozzik feston Vitin e Ri tek familja e Këngës, Lutfi Haziri me urim special

Nënkryetari i LDK’së, Lutfi Haziri ka uruar që Viti i Ri 2025 të jetë vit më i begatshëm, më i shëndetshëm dhe me shumë mirësi.

Haziri ka shpërndarë në profilin e tij në Facebook një fotografi me familjen e tij.

“Nga familja ime për familjet tuaja! Uroj të gjithë qytetarët që 2025-ta të jetë vit më i begatshëm, më i shëndetshëm dhe më me shumë mirësi për të gjithë gjilanasit, për të gjithë shqiptarët kudo që jetojnë, për bashkatdhetarët tanë në Evropë e Amerikë.

Jetoni ëndrrat tuaja çdo ditë të jetës. Gëzuar e me plot dashni 2025-ta!”, shkroi Haziri.

Duket se Haziri ka mbledhur dhëndurët për ndërrimin e motmoteve, në mesin e tyre edhe reperi Mozzik.