Në kompleksin e klinikës “Nëna Terezë” në Shkup, ende kundërmon erë e keqe, por askush nuk e di pse
Në kompleksin e klinikës “Nëna Terezë” – Shkup dy javë me radhë mbetet i pazgjidhur problemi me ajrin e kompresuar. Pacientët ndaj të cilëve duhet të kryhet ndërhyrje kirurgjikale transferohen drejtë spitaleve tjera sipas nevojës, dhe pranohen vetëm në rast se gjendja e tyre është emergjente. Prokuroria po shqyrton rastin që ka shkaktuar kolaps të […]
Në kompleksin e klinikës “Nëna Terezë” – Shkup dy javë me radhë mbetet i pazgjidhur problemi me ajrin e kompresuar. Pacientët ndaj të cilëve duhet të kryhet ndërhyrje kirurgjikale transferohen drejtë spitaleve tjera sipas nevojës, dhe pranohen vetëm në rast se gjendja e tyre është emergjente. Prokuroria po shqyrton rastin që ka shkaktuar kolaps të kësaj klinike, ndërkaq nga Ministria e Shëndetësisë është siguruar vetëm një metodë alternative për vazhdën e punës, edhe atë nëpërmjet kompresorëve të jashtëm, ndërkaq nuk ka akoma një përgjigje për problemin e shkaktuar, shkruan Meta.mk, trasnmeton Portalb.mk.
Makina, autoambulanca, pacientë nervozë, të afërm të mbledhur… Nëse shkoni në hyrje të bllokut të kirurgjisë në kompleksin e klinikës “Nënë Tereza”, kjo është fotografia që do të gjeni. Është e mbushur me njerëz edhe brenda në sallë, në korridoret përballë autoambulancave, si dhe para disa sallave të operacionit. Do të shihni gjithashtu pacientë të shtrirë në shtretërit e spitalit, në korridore, ndërsa presin pranimin dhe ekzaminimin nga mjeku.
Ka më shumë se dy javë që ka ndodhur problemi me ajrin e kompresuar në Klinikat Klinike. Shumica e sallave të operacionit janë të mbyllura. Pacientët kthehen me argumentin se nuk ka kushte për të kryer operacionin nëse nuk është urgjent.
Në Departamentin e Kirurgjisë së Fëmijëve, gjetëm një nënë me fëmijën e saj në krahë, e cila po fliste me një infermiere të këtij departamenti.
“Nënë, është mirë të vish në shtator ose tetor për operacion. Sallat e kirurgjisë nuk funksionojnë dhe ndërhyrja për fëmijën tuaj nuk është urgjente”, i tha infermierja nënës së shqetësuar.
Në sallat e operacionit, ndërhyrjet kryhen vetëm te pacientët e urgjencës. Puna dhe funksionimi i rregullt i sallave operative u ndërpre pasi u mbyllën për shkak të erës së pakëndshme. Për shkak të problemit, pacientët janë transferuar drejtë “8 Shtatori” dhe Klinikës Universitare për Sëmundje Kirurgjike “Shën Naum Ohridski”, të cilat ka shënuar rritje të shumëfishtë të numrit të operacioneve që kryejnë.
Kirurgët sqarojnë se ajri i kompresuar përdoret si shtytës për makinat. Kompresorët janë përgjegjësi e Shërbimeve të Përbashkëta të qendrës klinike, por tashmë drejtorët e çdo klinike ku kryhen ndërhyrjet kirurgjikale menaxhohen ashtu siç dinë, për të vazhduar punën – duke siguruar kompresorë të jashtëm, të cilët nuk janë zgjidhje e përhershme dhe përfundimtare.
“Era që ndihej nga kompresorët ishte si shtrëngimi i hundës dhe disa nga kolegët ankoheshin edhe për djegie në sy. Mbyllëm sallat e operacionit, njoftuam të gjithë përgjegjësit dhe ja morëm kompresorë të jashtëm. Ky është juridiksioni ynë”, tha një nga kirurgët, i cili insistoi të mbetet anonim.
Gjithashtu vizituam Klinikën Universitare për Traumatologji, Sëmundje Ortopedike, Anestezi, Reanimacion dhe Kujdes Intensiv dhe Emergjencë. Drejtori, Dr. Subspec. Aleksandar Trajanovski thotë se klinikat për ortopedi dhe traumatologji kanë 6 salla operative (dy për traumë dhe katër për ortopedi).
“Me një sallë punojmë me dy turne. Në asnjë moment nuk e ndalëm punën para se të merrnim kompresorët e jashtëm. Me sigurimin e kompresorëve të jashtëm, deri më tani janë kryer rreth 80 operacione. Punojmë me intensitet të reduktuar, pra nëse para kësaj operonim 15, tani mund të operojmë 7 pacientë në një dhomë. Përparsi u jepet pacientëve me sëmundje malinje ose fraktura. Në marrëveshje me Ministrinë e Shëndetësisë, edhe para kësaj kemi pasur kompresorë që janë tanët dhe të cilët i kemi vënë në punë që të mos vuajnë pacientët. Ne kemi lista pritjeje, por i kemi pasur edhe më parë. Mendoj se kemi reduktuar një pjesë të madhe të asaj liste”, thotë Trajanovski.
Në këtë periudhë, shton ai, punonjësit organizohen nga brenda që të mos pësojë puna.
“I gjithë stacioni i kompresorit, i cili nuk është nën juridiksionin tonë, duhet të hetohet. Kur të marrim ‘kalimin’, atëherë mund të kthehemi në funksionimin e plotë dhe të gjitha sallat e operacionit në funksionim. Në presion për momentin është edhe KARIL-i sepse aty janë 6 kompresorë dhe 18 shtretër dhe shtretërit që nuk kanë kompresor mund të mbushen. Ne si klinikë pranojmë pacientë me aq sa kemi mundësi. Të hënën do të kemi një tjetër sallë në dispozicion, pse presim një kompresor tjetër”, shton ai.
Trajanovski thekson se, megjithatë, kompresorët e jashtëm janë vetëm një zgjidhje e përkohshme.
“E shihni sa peshë mban Qendra Klinike. Megjithatë, ne jemi duke negociuar nga brenda për të ulur presionin ndaj spitaleve të tjera. Dhe në kushtet e zgjidhjeve kalimtare nuk mund të rrimë e të mos operojmë”, ka theksuar ai.
Për rastin e këtij kolapsit të sallave të kirurgjisë është informuar edhe Prokuroria Publike. Prokurori publik tashmë ka zhvilluar bisedime me disa nga drejtorët e klinikave, por megjithatë, kompetenca e prokurorisë në këtë rast është disi e kufizuar.
“Prokuroria publike ende është duke konstatuar nëse në këtë rast ka elemente të veprës penale“, kanë thënë nga prokuroria.
Zëvendësministrja e Shëndetësisë, Maya Manoleva, para tri ditësh ka lëshuar një urdhër që klinikat universitare, të cilat janë të vendosura në godinën e klinikave kirurgjikale në Qendrën Klinike, sallat operative të fillojnë punën me kompresorë të jashtëm dhe shtesë me enët me ajër të kompresuar, si zgjidhje e përkohshme. Në seancën e ardhshme të Qeverisë Manoleva tha se do të dorëzojë informacione dhe do të kërkojë nga Qeveria që ta detyrojë Shërbimin për Punë të Përgjithshme dhe të Përbashkët që të bëjë urgjentisht prokurimin e stacionit të ri kompresor, sepse ai ekzistues është 30 vjeçar.
Askush deri më tani, madje as ministri në largim Ilir Demiri, nuk ka dhënë përgjigje konkrete se cila mund të jetë arsyeja e përhapjes së erës së pakëndshme nga kompresorët.
Kujtojmë se sallat e operimit në Qendrën Klinike “Nënë Tereza”, ndaluan së punuari për shkak të një ere të pakëndshme që u përhap përmes sistemit të ventilimit dhe problemi i furnizimit me oksigjen. Prokuroria Themelore Publike është zotuar se do të hetojë rastin, në rast se ka vepër penale.
