Vetura ra në Lumin Vardar në Çellopek, dy të lënduar 

Dy persona kanë mbetur të lënduar pasi një veturë ra në Lumin Vardar në fshatin Çellopek, transmeton Portalb.mk.

Më datë 04.03.2025 në ora 19:40 në Sektoriin për Punë të Brendshme Tetovë është raportuar se në rrugën lokale për në fshatin Çellopek, afër urës së lumit Vardar, automjeti i pasagjerëve “Golf” me targa të Shkupit, i drejtuar nga T.M. (39) nga Tetova, ka dalë nga rruga dhe ka ra në lum.

“Në këtë aksident, lëndime trupore kanë pësuar shoferi dhe një pasagjere e mitur vajzë, të cilat janë konfirmuar në Spitalin klinik të Tetovës”, informoi SPB Tetovë.

Inspektimi është kryer nga ekipi inspektues nga SPB Tetovë.