Komuna e Tetovës shpall thirrje publike për emrat e rinj të rrugëve

Nga sot, të gjithë qytetarët, organizatat joqeveritare, si dhe partitë politike do të mund të bëjnë propozime për emrat e rrugëve të qytetit të Tetovës. Komuna ka bërë sot shpalljen publike, e cila do të jetë e hapur deri më 10 mars.

Kryetar i Komisionit për Emërimin e Rrugëve në Tetovë, Argjend Veliu, thotë se është formuar grup pune të cilin do ta drejtojë ai, ndërsa do të ketë edhe njëmbëdhjetë anëtarë tjerë.

Thirrja publike që do hapet sot, do të zgjas deri më dhjetë mars. Gjithë qytetarët do mund që propozimet e tyre t’i dërgojnë në likun e bashkëngjitur në shpallje, duke plotësuar edhe një pyetësor. Pyetësori për qytetarët apo grupet që nuk shfrytëzojnë rrjete sociale, do mund ta shkarkojnë të njëjtin dhe ta dorëzojnë në adresë të komunës”, tha Argjend Veliu.

Për emrat e rrugëve në Tetovë është bërë një debat i gjerë, ndërsa nga komuna e Tetovës thonë se në komisionin prej 11 anëtarësh janë të përfshira gjitha përkatësitë etnike. Nga 297 rrugë sa ka qyteti i Tetovës vetëm 81 kanë emra.