Një autobus i NTP-së në Sopishte është kapluar nga flakët, në kohë janë evakuuar udhëtarët
Një autobus i Ndërmarrje Transportuese Publike “Shkup”sot është kapluar nga flakët në Komunën Sopishte, shkruan 360 Gradë, transmeton Portalb.mk. Nga videoja dhe fotografitë e publikuara nga disa media shihet flakë nga pjesa e pasme e autobusit. View this post on Instagram A post shared by Скопје1 / Skopje1.mk (@skopje1mk) Komandanti i Brigadës për […]
Një autobus i Ndërmarrje Transportuese Publike “Shkup”sot është kapluar nga flakët në Komunën Sopishte, shkruan 360 Gradë, transmeton Portalb.mk.
Nga videoja dhe fotografitë e publikuara nga disa media shihet flakë nga pjesa e pasme e autobusit.
Komandanti i Brigadës për shuarje të zjarreve të Shkupit, Xvonko Tomevski për “360 Gradë” ka deklaruar se zjarri tek ata është denoncuar në orën 12:33 dhe se pas intervenimit të tyre ai tërësisht është shuar dhe se nuk ka të lënduar.
Sipas Tomevskit, bëhet fjalë për një autobus të NTP-së i cili qarkullon në linjën numër 58.
“Zjarri është shuar dhe po punohet në pastrim”, tha Tomevski.
Sipas tij, në shuarjen kanë intervenuar tetë zjarrfikës me dy automjete zjarrfikëse dhe nuk është lejuar që zjarri të kaplojë objektet fqinje dhe drunjtë afër të cilëve është ndodhej autobusi.
“Zjarri ka filluar në pjesën e motorit, nuk ka të lënduar, udhëtarët në kohë janë evakuuar dhe është shkaktuar vetëm dëm material”, tha Tomevski.
Nga Ministria e Punëve të Brendshme informuan se zjarri ka shpërthyer derisa autobusi lëvizte tek qarkorja në fshatin Sopishte.
Sipas MPB-së, një personi i cili ka thithur tym i është dhënë ndihmë mjekësore në vendin e ngjarjes, ndërsa nuk ka persona të tjerë të lënduar.
“Sot rreth orës 12:30 në SPB Shkup është denoncuar se tek qarkorja në f.Sopishte të Shkupit është shkaktuar zjarr në një autobus në një autobus të NTP-së në lëvizje. Madje, një person ka thithur tym dhe në vend i është dhënë ndihmë nga ekipi i Ndihmës urgjente mjekësore, ndërsa nuk ka të lënduar të tjerë. Në vendin e ngjarjes kanë dalë ekip nga Brigada për shuarje të zjarreve të Shkupit”, thuhet në informatën fillestare të MPB-së.
Për shkak të kësaj ngjarjeje, komunikacioni në rrugën Pripor – Sopishte është në ndërprerje, me siguri për shkak të ekspertizës që duhet ta realizojnë organet hetuese për konfirmim të arsyeve për zjarrin.
